L’engagement militant des acteurs locaux dans le Mouvement citoyen de 2001 et dans la question identitaire : le cas des acteurs de la CADC (Tizi-Ouzou).
Loading...
Date
2016
Authors
Journal Title
Journal ISSN
Volume Title
Publisher
Université Mouloud Mammeri de Tizi-Ouzou
Abstract
Deg unadi-agi neɛreḍ ad nesseqreb s tusna n umdan amirew ameɣnas n yimeggan deg
umussu aɣerman n 2001 di tmurt n leqbayel nneɣ win mi neqqar tafsut taberkant. Ass n 18 di
yebrir 2001 Iǧǧadarmiyen n tama Nat Dwala nɣan s rṣas Grmaḥ Massinssa, timenɣiwt n
yilemzi-agi tegla-d uẓeḍḍam n yilmeẓyen ɣef yixxamen n yiǧadarmiyen akk d yixxamen n
ddula rwin-ten neɣ ṣerɣen-ten. Ayagi yegl-d s lmut n waṭas n yilmeẓyen d wannag n yimejraḥ.
Ɣef waya tijemmuɛa n tudrin grend tiɣri ad ḥebsen idammen, ad d-kemmlen amennuɣ s
yissar. Ass n 17 di mayyu 2001, ilul-d usemmezdi n laɛrac d wassunen d tɣiwanin (CADC) n
tizi wuzzu. Deg lawan-nni amennuɣ yettwazreɛ di yal tama n tmurt n lrqbayel. Adabu yuggi
ad yeḥbes asif n yidammen. Ɣef waya imeggan n umussu aɣerman rran-d timesbaniyin ɣer
yifasen-nsen. Wwin amennuɣ n yilmeẓyen s talwit. Ass n 11 di yunyu 2001 di Leqsar,
Xedmen-d tiɣerɣart n ussuter tin imi neqqar “ tiɣerɣert n Leqsar”. Ass n 14 di yunyu 2001
amussu aɣerman yuwwi tiɣerɣart n Leqsar ɣer Lezzayen tamanaɣt, akken ad tt-ifek iselway n
tigduda. Azal n sin n yimelyunen n yimdanen i iṣubben ad lḥun di tikli n laɛruc. Acukan
adabu ad yeḥbes tikli-agi, ad yessuffeɣ iɣallen n laman ad ḥabsen tikli-agi, ayen ara d-yeglun
s lmut n 6 n yilmeẓyen d waṭas n yimejraḥ.
I wakken ad nner i useqsi n tmukrist, d waggad ɣer wayen nettnadi ɣef umussu aɣerman n
2001 deg unadi deg umecwar n yimeggan n CADC nebḍa axeddim-nneɣ ɣef semmus (5) n
yixfawen.
Ixef amezwaru yeqqen ɣer tesnarrayt n unadi, neɛreḍ ad nessefhem amek ara yilli unadinneɣ,
d tesnarrayt ara neḍfer akken ad d-nner ɣef yiseqsiyen-nneɣ. Nefka-d kra n turdiwin i
yiseqsiyen-agi. Deg yixef-agi diɣen nessefhem-d titwiltin n unadi ara neḍfer deg unadi-agi.
Ixef wis sin yettmeslay-d ɣef tmesbaniyin i d-yeḍran deg umussu aɣerman n 2001: ama d
tikliwin, asiwel ɣer tuggin n tefrani i d-yeḍran di 2002, adiwenni gar laɛruc d udabu deg
useggas n 2004.
Ixef wis kraḍ, neɛred ad d-nfekk tameddurt n yimeggan n umussu aɣerman n 2001, d
imuggan i wimi nexdem idiwenniten deg lawan n unadi-nneɣ. Deg yixef-agi nefka-d ayen akk
i icudden ɣer tudert-nsen, ɣer tudert-nsen tasartant, ɣer umiren-nsen deg umussu aɣerman n
2001.
Ixef wis ukkuẓ, yewwi-d awal ɣef umirew n yimeggan deg umussu aɣerman n 2001, ixefagi
yebḍa ɣef sin yiḥricen: aḥric amezwaru yettmeslay-d ɣef amek imeggan n umussu
aɣerman n 2001 wid imi nexdem idiwenniten i kecmen ɣer umennuɣ deg umussu.
Aḥric wis sin yewwi-d awal ɣef tigawin d tmesbaniyin i yexdem usemmezdi n laɛrac d
wassunen d tɣiwanin (CADC) n tizi wuzzu: ama di tmurt n leqbayel neɣ berra i tmurt n
leqbayel.
Ixef aneggaru, yeqqen ɣer umennuɣ n yimeggan ɣef tulut d tutlayt n tmaziɣt d wazal yesɛa
umennuɣ ɣef tulut deg umussu aɣerman n 2001. Ixef-agi yettmeslay-d amek yal ameggi i dtuki
tefrit n tulut, akk d wacu i d-yefka yal ameggi i umennuɣ ɣef tutlayt n tmaziɣt uqbel
amussu aɣerman n 2001 neɣ deg lawan n umussu aɣerman.
Description
34p.:ill;30cm.(+cd)
Keywords
Citation
Anthropologie Culturelle Et Du Patrimoine Amazigh.