Asileɣ n usegzawal ameẓẓyan aynutlayan n waṭṭanen d yimɣan n usejji
Loading...
Date
2023
Authors
Journal Title
Journal ISSN
Volume Title
Publisher
Université Mouloud Mammeri
Abstract
Deg yixef amezwaru nemeslay-d cwiṭ ɣef tseknawalt, anda i d-nebder talliyin ɣef i d-tɛedda d imeskaren i ixedmen isegzawalen n tmaziɣt.Nufa-d ṭuqten yisegzawalen asinutlayanen d wakraḍutlayanen, ma d aynutlayanen xuṣṣen aṭas, ala sin n yimeskaren kan i d-yessalɣen anaw-agi, amezwaru d Haddachi Ahmed d Bouamara Kamel .
Deg yixef wis sin nebḍa axeddim-nteɣ ɣef sin yiḥricen, deg tazwara nessegza-d asegzawal nefka-d ayen i iccuden ɣur-s ama d ayen yerzan taɣsemɣert neɣ d taɣesmeẓẓit, sakin nessegza-d asesmel agemmayan n wawalen d win n yiẓuran d win ufeggag, nebder-d tarrayt i neḍfer seg tazwara n wammud armi i dtaggara.
Xas akken aṭas ay d-nugem seg usegzawal Issin n Bouamara kamel, ladɣa deg yissalen d-yefka i tedfayin, ur neḍfir ara yak deg wayen yeṭṭef d lmendad, d amedya netta yefren asesmel agemmayan n wawalen maca s tergalt tamezwarut n ufeggag; nekkenti nefren asesmel agemmayan n wawalen s usekkil amezwaru n wawal.
Ayen yerzan tabadut, d tabadut timsigzit ay nessemres imi d nettat i iwulmen i usegzi n yismawen, s wakka nwufeq turda tis snat ay d-nefka.
Ula d turda tis kraḍet tban-aɣ-d twulem imi nessemres isegzawalen akked d tiɣbula tussnanin n internet n taɣult n tujjya .
Deg yixef wis kraḍ newwi-d ammud i d-negmer ama seg wannar, neɣ seg yidlisen, neɣ d wid nessen, i yerzan awalen n waṭṭanen d yimɣan n usejjianda i nessaweḍ ɣer 289 n wawalen imi nefka i yal yiwen tabadut taynutlayant s teqbaylit .
Ɣer taggara, nessaram nesaweḍ ad d-nessileɣ asegzawal ameẓyan aynutlayan taqbaylit s teqbaylit i wawalen i d-newwi seg wammud-nteɣ i yerzan aṭṭanen d yimɣan n usejji. Nessaram asegzawal-agi d allal ara seqdacen ama d inelmaden neɣ d iselmaden neɣ d imnadiyen deg tutlayt tamaziɣt .
Description
241 p. : ill. ; 30 cm. (+CD-Rom)
Keywords
Asileɣ n usegzawal, Waṭṭanen, Imɣan n usejji
Citation
Linguistique