Tasuqilt n tullist Aristide n Rosemary Friedman, seg tefransist ɣer tmaziɣt
Loading...
Date
2022
Authors
Journal Title
Journal ISSN
Volume Title
Publisher
Université Mouloud Mammeri
Abstract
Tasuqilt, d tussna icudden ɣer tutlayt; d abrid wessiɛen i yenǧer seg zik umdan, acku yetteḥwiǧi-tt deg yal aḥric di tudert n yal ass. Ɣef wannect-a, tasuqilt-a, tella-d ilmend n warrac-nneɣ akken ad gzun idles n Legliz.
Imgan iseklanen i aɣ-yeǧǧan ad tt-nexdem, d lexsas n leqdic deg uḥric-a n tsuqilt, ladɣa di tsekla n yilmeẓyen neɣ n yimecṭaḥ. lfayda-Ines, ad tesnerni tasekla taqbaylit, rnu ɣur-s ad tessebɣer tamussni n warrac-nneɣ.
Leqdic-a, ur yeshil ara imi i d-nufa di tsuqilt n tullist «Aristide » seg tefransist ɣer teqbaylit, ugur n wawalen ama deg uḥric n tullist s timmad-is, ama deg uḥric n yiseqsiyen. Ma d tinfaliyin, ulac aṭas acku tutlayt n uḍris d timserreḥt imi tettwaxdem i warrac neɣ i yilmeẓyen.
Tarrayt i neḍfer, d tin n unamek imi ur nezmir ara ad nsuqel akk awalen n uḍris, ma ulac ad as-iruḥ unamek. Maca tikwal tettarra-aɣ tmara ɣer tarrayt n « awal s wawal».
I wakken ad twenneɛ:
-Aumsuqel ad yissin, tutlayt taɣbalut n udlis anaṣli akked tin n yiswi s wayes ara t-yessuqel, imi yal tutlayt tesɛa tulmisin-ines i tt-yessemgaraden ɣef tmeslayin nniḍen; tesɛa daɣen amawal i ssemrasen yimdanen-is, mebla ma nettu belli tesɛa taseddast n tefyar i asent-yettakken ccbaḥa d tfulki i tseddarin akked uḍris sumata.
- Ad iẓer umsuqel anta tarrayt ara yeḍfer deg usuqel-ines.
Imi tasuqilt, mazal ur teṭṭif ara adeg iwulmen di tsekla-nneɣ, asummer-inu ɣef usentel-agi, ladɣa deg tutlay taqbaylit:
Ad d-tili tnemselt (Atelier) deg ugezdu n tutlayt d yidles amaziɣ, ama deg Tizi-Uzzu, ama deg Bgayet neɣ Tubiret; ayɣer ala ula deg tdukkliwin tidelsanin. Annect-agi, ad yesnerni, ad yessebɣer tutlayt-nneɣ.
D lawan ad yili umawal ara yesddukklen akk awalen yetteḥwiǧi umdan s tmaziɣt, imi aṭas n yimawalen i d-yetteffɣen, yal wa d acu i d-yewwi. Dagi amdan yettuɣal di ddiq acku ur yeẓri ara awalen iṣeḥḥan ladɣa i yinelmaden n uɣerbaz.
Ad d-tili tesɣunt n yisdawiyen ɣef tsekla s umata; ad tili deg-s ula d tasuqilt, am n yiḍrisen, ama n wungalen d wayen akk nniḍen, akken ad issinen tutlayin d yidelsan n tmura tibeṛṛaniyin.
Ɣer taggara, ssarameɣ ad d-yili leqdic nniḍen ɣef udlis-agi «Aristide» ama deg tesnalsit neɣ di tsekla. Asumer-inu ad d-tili tezrawt n yiwudam yellan deg tullist-a akked uglam-nsen yiwen yiwen.
Description
135 p. ; 30 cm. (+ CD-Rom)
Keywords
Tasuqilt, Rosemary Friedman, Tefransist, Tmaziɣt, Aristide
Citation
TASEKLA TAMAZIƔT D TSUGNA