Amyeḍres deg tmedyazt n Muḥend U Yeḥya
| dc.contributor.author | AOURANE, LOUMIDIA | |
| dc.contributor.author | AOUAM, HAKIMA | |
| dc.date.accessioned | 2023-02-12T09:30:39Z | |
| dc.date.available | 2023-02-12T09:30:39Z | |
| dc.date.issued | 2022 | |
| dc.description | 17p.; 30cm.(+cd) | en |
| dc.description.abstract | Iswi n uxeddim-a, d asebgen n wamek i yettili wassaɣ gar yiḍrisen iseklanen, s umedya n tmedyazt tatrart Muḥya, ayen akk ara yaru yiwen labud ad yili wayen uran neɣ id-nnan wiyaḍ, ladɣa timawit, neɣ d amaynut dayen iwumi qqaren deg uzɣan aseklan ’’amyeḍres’’. Deg unadi-nneɣ nexdem tasleḍt ɣef tmedyazt n Muḥya nessaweḍ ad d-nawi awal fell-as nufa-d tamedyazt n Muḥed u Yeḥya ur yettfak ara wawal fell-as, nessaweḍ nejmeɛ-d ugar n 80 n yisefra neɛreḍ ad d-nessefhem amek i d-yettili d wamek i d-yettbin umyeḍres di temedyazt-ines. D wayen i d-yewwi d ccbaḥa d talɣa tamaynut i d-as-yefka i usefru. Di tazwara, newwi-d awal ɣef tbadut n umyeḍres d wamek i d-tlul sakin nemmeslay-d ɣef leṣnaf n umyeḍres anda i yenna G.GENETTE, amyeḍres d yiwen gar semmus n wassaɣen-agi :amyeḍres, azneḍres, afeḍres,afleḍres akked uwseḍres. Nemmeslay-d ɣef wannawen n wassaɣ n tilin n sin yeḍrisen; ad d-naf deg-s tabdert, takerḍa, aleqqem, tasɣilt. Ma yella annaw wis sin d win yebnan ɣef wassaɣ n usuddem(arwas amaslaɣ,arwas uqlib) Syin akkin nemmeslay-d ɣef tmeddurt n Muḥya, ɣer-s nessebgan-d ṣṣenf n tmedyazt uɣur iteddu, (tamedyazt tatrart) sakin nbder-d tiwsatin n tsekla tamensayt, imi aṭas n yemyura n tsekla i yerran lwelha-nsen ɣer tiẓri-agi n umyeḍres maca yal yiwen ɣef wacu i d-yebna tazrawt-ines ihi nekkni nebna-tt ɣef lesas n tmedyazt tatrart d usemres n tewsatin n tsekla timesayin imi amyeḍres yebna ɣef aya, d wayen i d-yewwi umyaru di timawit d wayen id yewwi s wudem amaynut . Ɣer taggara neɛreḍ ad d-nebder neɣ ad d-nessegzi kra yessemres umyaru ama d inzan ama timucuha ama timsaɛraq ɣer-s nesegzad-d assaɣ n tilin daxel-is ma yella tabdert neɣ tasɣilt neɣ d aleqqem, ma yella nebɣa ad d-nefk amedya ara d-yessegzin assaɣen-agi ad d-naf amedyaz yessemres s waṭas inzan, maca yal tikelt amek it-yessemres deg uḍris.Tikelt yettawi-t-id akken yella di timawit tikelt yettbedil-as, daɣen yettak-as lqaleb nniḍen.Yessemras aleqqem deg tmedyazt-is anda i d-yebder, Colonel yehyawi... Ihi ad d-nini Muḥya ur yeqqim ara kan di tsekla taqbaylit maca yugmed seg tsekliwin nniden aladɣa tafransist dayen akka i d-nwala deg ussemres n tabdert (timuchuha ) imi d tasuqilt i yexdem i kra n timuchuha n tefransist, yefka-as lqaleb amaynut daɣen iwumi nezmer ad d-nini d asnulfu s timad-is. Imi amyeḍres gar tewsatin n uzɣan amaynut i d-yufraren i yeqnen ɣer teẓri yerzan aḍris imi amyeḍres yettnadi ɣef wassaɣ n uḍris d uḍris-nniden. Amyaru yesseqdec talɣiwin n umyeḍres yezdin gar sin yeḍrisen neɣ ugar llant talɣiwin i d-yettbanen srid am tebdert d tseɣlit akken llant tid ur d-yettbanen ara am umeɛɛen, takerḍa, yebbi-d ɣef imeɣri ad d-yerr ddehn-is d tmusni-ines iwakken ad ten-yeɛqel . ɣer taggara n tezrawt-agi nezgel aṭas n temsal s lebɣi neɣ mebla lebɣi-nneɣ acku asentel iɣef neqdec yeḥwaǧ aṭas n tmusni lqayen d ccfawat akken ilaq-s waṭas n uxeddim d inadiyen imi ṭṭuqten yiẓuran-is i t-yicerken, nessaram ad ilin inadiyen-nniden ugar ayen yerzan amyeḍres acku tesɛa azal meqqren di tesleḍt n wassaɣ yellan gar yeḍrisen | en |
| dc.identifier.citation | TASEKLA D TSUGENT | en |
| dc.identifier.uri | https://dspace.ummto.dz/handle/ummto/19905 | |
| dc.language.iso | other | en |
| dc.publisher | Université Mouloud Mammeri Tizi-Ouzou | en |
| dc.title | Amyeḍres deg tmedyazt n Muḥend U Yeḥya | en |
| dc.type | Thesis | en |